Joekskapel de Gresbuus - Reuver

Joeksk

is opgerich in 1984, ónger de naam "Offenbeker Freunde". Deze naam verangerde al sjnel in Joekskèpel "De Gresbuus". De naam "De Gresbuus" kump veurt oeët de vreugere aanwezigheid van gresbuze-industrie in Offebek. De joekskèpel is ontsjtange oeët leje van Trommel en Fluiterkorps St. Barbara. Auch noë zien d’r nog vuël leje lid van ut Fluiterkorps.
Ut aantal sjpelende leje is noë 19 personen. De bezitting is as volg: 6 trompette, 3 sjuuve, 2 baritons, 2 sakse, 2 bas en 4 man sjlaagwerk.

Joekskèpel De Gresbuus treujt veurnamelik op met de vastelaovend, maar auch tiedens ut ganse jaor is De Gresbuus van de partie op diverse festiviteite zoeëas: tentfieëste, äöpeninge, buurtfieëste, sjöttersfieëste, resepsies en joekskèpelletreffe.
Auch biej optochte in ut boëtelandj en wieënfieëste is De Gresbuus gaer van de partie. Joekskèpel De Gresbuus haet auch al dökker daelgenaome aan de Limburgse Kampioensjappe. Veur waerde toen verdeenstelik veerde.

Un optraeje in Warstein (van ut bekende beermerk), op oeëtnuëdiging van de vastelaovesvereiniging van Warstein, is ein van de hoeëgtepunte in ós 26-jäörig besjtaon van De Gresbuus. Nog neet zoeë lang geleje maakde De Gresbuus un driedaagse reis langs de Riën en waas ónger angere te gas in Oberwesel biej ut spektakulaere 'Rhein in Flammen'.

Volg de Gresbuus via TWITTER

Gresbuus